Policia e rajonit të Prishtinës ka realizuar 76 urdhëresa të gjykatës gjatë javës që kaloi.

Sipas Policisë, 25 prej tyre kanë qenë për vepra penale dhe 51 urdhëresa për seanca, kundërvajtje e verifikime, përcjell Arbresh.info.

“Nga zyrtarët policor të rajonit Prishtinës , gjatë javës që kaloi (21-27 gusht 2023), në lokacione të ndryshme e aksione të ndara, janë realizuar 76 urdhëresa të Gjykatës, prej tyre 25 urdhëresa për vepra penale dhe 51 urdhëresa për seanca, kundërvajtje, verifikime etj.”, thuhet në njoftimin e Policisë.

Policia bën të ditur se konform urdhëresave, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa./Arbresh.info.